Диякон, одержавши дозвіл від священника, виходить і, ставши на звичайному місці, промовляє:

Вся святи́я пом'яну́вше, па́ки і па́ки ми́ром Го́споду помо́лимся.

Хор: Го́споди, поми́луй.

О принесе́нних і освяще́нних Честни́х Дарі́х Го́споду помо́лимся.

Хор: Го́споди, поми́луй.

Я́ко да Человіколю́бець Бог наш, приє́м я во святи́й і пренебе́сний і ми́сленний Свой же́ртвенник, в воню́ благоуха́нія духо́внаго, возниспо́слеть нам Боже́ственную благода́ть і дар Свята́го Ду́ха, помо́лимся.

Хор: Го́споди, поми́луй.

О ізба́витися нам от вся́кия ско́рби, гні́ва і ну́жди, Го́споду помо́лимся.

Хор: Го́споди, поми́луй.

Священник же молиться:

Тебі́ предлага́єм живо́т наш весь і наде́жду, Влади́ко Человіколю́бче, і про́сим, і мо́лим, і ми́лі ся ді́єм, сподо́би нас причасти́тися Небе́сних Твої́х і Стра́шних Та́їн, сея́ свяще́нния і духо́вния трапе́зи с чи́стою со́вістію, во оставле́ніє гріхо́в, в проще́ніє согріше́ній, во обще́ніє Ду́ха Свята́го, в наслі́діє Ца́рствія Небе́снаго, в дерзнове́ніє є́же к Тебі́, не в суд іли́ во осужде́ніє.

Заступи́, спаси́, поми́луй і сохрани́ нас, Бо́же, Твоє́ю благода́тію.

Хор: Го́споди, поми́луй.

Дне всего́ соверше́нна, свя́та, ми́рна і безгрі́шна у Го́спода про́сим.

Хор: Пода́й, Го́споди.

А́нгела ми́рна, ві́рна наста́вника, храни́теля душ і тіле́с на́ших у Го́спода про́сим.

Хор: Пода́й, Го́споди.

Проще́нія і оставле́нія гріхо́в і прегріше́ній на́ших у Го́спода про́сим.

Хор: Пода́й, Го́споди.

До́брих і поле́зних душа́м на́шим і ми́ра ми́рові у Го́спода про́сим.

Хор: Пода́й, Го́споди.

Про́чеє вре́м'я живота́ на́шего в ми́рі і покая́нії сконча́ти у Го́спода про́сим.

Хор: Пода́й, Го́споди.

Христия́нськия кончи́ни живота́ на́шего, безболі́знени, непости́дни, ми́рни і до́браго отві́та на Стра́шнім Суди́щі Христо́ві про́сим.

Хор: Пода́й, Го́споди.

Соєдине́ніє ві́ри і прича́стіє Свята́го Ду́ха іспроси́вше, са́мі себе́, і друг дру́га, і весь живо́т наш Христу́ Бо́гу предаді́м.

Хор: Тебі́, Го́споди.