Величання, прокимни, аллилуя і причасні загальні святим

Величання: Досто́йно єсть велича́ти Тя, Богоро́дице, Честні́йшую Херуви́м і сла́внійшую без сравне́нія Серафи́м.

Величання Пресвятій Богородиці біля святого Її образу: Велича́єм Тя, Пресвята́я Ді́во, Богоізбра́нная Отрокови́це, і чтем о́браз Твой святи́й, і́мже то́чиши ісціле́нія всім с ві́рою притека́ющим.

На утрені, прокимен, глас 4: Пом'яну́ і́м'я Твоє́ / во вся́ком ро́ді і ро́ді.

Стих: Отри́гну се́рдце моє́ сло́во бла́го, глаго́лю аз діла́ моя́ Царе́ві.

На Літургії, прокимен, пісня Богородиці, глас 3: Вели́чить душа́ Моя́ Го́спода, / і возра́довася дух Мой о Бо́зі Спа́сі Моє́м.

Стих: Я́ко призрі́ на смире́ніє раби́ Своєя́, се бо от ни́ні ублажа́ть М'я всі ро́ди.

Аллилуя, глас 8: Сли́ши, дщи, і виждь, і приклони́ у́хо Твоє́.

Стих: Лицю́ Твоєму́ помо́ляться бога́тії лю́дстії.

Причастний: Ча́шу спасе́нія прийму́, і і́м'я Госпо́днє призову́.

Величання: Велича́єм вас, Арха́нгели, і А́нгели, і вся во́їнства, Херуви́ми і Серафи́ми, сла́в'ящия Го́спода.

Інше: Велича́єм вас, Арха́нгели, А́нгели, Нача́ла, Вла́сті, Престо́ли, Господствія, Си́ли і Херуви́ми, стра́шнії Серафи́ми, прославля́ющия Го́спода.

Прокимен, глас 4: Творя́й А́нгели Своя́ ду́хи, / і слуги́ Своя́ пла́мень о́гненний.

Стих: Благослови́, душе́ моя́, Го́спода, Го́споди Бо́же мой, возвели́чился єси́ зіло́.

Аллилуя, глас 5: Хвалі́те Го́спода всі А́нгели Єго́, хвалі́те Єго́ вся Си́ли Єго́.

Стих: Я́ко Той рече́, і би́ша; Той повелі́, і созда́шася.

Причастний: Творя́й А́нгели Своя́ ду́хи, і слуги́ Своя́ пла́мень о́гненний.

Величання: Велича́єм тя, проро́че Бо́жий [ім'я], і чтим святу́ю па́м'ять твою́; ти бо мо́лиши за нас Христа́ Бо́га на́шего.

Прокимен, глас 4: Ти ієре́й во вік / по чи́ну Мелхіседе́кову.

Стих: Рече́ Госпо́дь Го́сподеві моєму́: сіди́ одесну́ю Мене́, до́ндеже положу́ враги́ Твоя́ подно́жіє ног Твої́х.

Аллилуя, глас 5: Моїсе́й і Ааро́н во ієре́єх Єго́, і Самуї́л в призива́ющих і́м'я Єго́.

Стих: Світ возсія́ пра́веднику, і пра́вим се́рдцем весе́ліє.

Причастний: В па́м'ять ві́чную бу́деть пра́ведник, от слу́ха зла не убої́ться.

Величання апостолу одному: Велича́єм тя, Апо́столе Христо́в [ім'я], і чтем болі́зні і труди́ твоя́, ї́миже труди́лся єси́ во благові́стії Христо́ві.

Величання апостолам двом чи багатьом: Велича́єм вас, апо́столи Христо́ви, весь мир уче́ньми свої́ми просвіти́вшия і вся конці́ ко Христу́ приве́дшия.

Прокимен, глас 8: Во всю зе́млю ізи́де віща́ніє їх, / і в конці́ вселе́нния глаго́ли їх.

Стих: Небеса́ пові́дають сла́ву Бо́жию, творе́ніє же руку́ Єго́ возвіща́єть твердь.

Аллилуя, глас 1: Іспові́дять небеса́ чудеса́ Твоя́, Го́споди, і́бо і́стину Твою́ в це́ркві святи́х.

Стих: Бог прославля́єм в сові́ті святи́х.

Причастний: Во всю зе́млю ізи́де віща́ніє їх, і в конці́ вселе́нния глаго́ли їх.

Величання: Велича́єм тя, святи́телю о́тче [ім'я], і чтем святу́ю па́м'ять твою́, ти бо мо́лиши за нас Христа́ Бо́га на́шего.

Прокимен, глас 1: Уста́ моя́ возглаго́лють прему́дрость, / і поуче́ніє се́рдця моєго́ — ра́зум.

Стих: Усли́шіте сія́, всі язи́ци, внуші́те, всі живу́щії по вселе́нній.

Аллилуя, глас 2: Уста́ пра́веднаго поуча́ться прему́дрості, і язи́к єго́ возглаго́леть суд.

Стих: Зако́н Бо́га єго́ в се́рдці єго́, і не за́пнуться стопи́ єго́.

Причастний: В па́м'ять ві́чную бу́деть пра́ведник, от слу́ха зла не убої́ться.

Величання: Велича́єм вас, святи́теліє вели́ції, і чтем святу́ю па́м'ять ва́шу, ви бо мо́лите за нас Христа́ Бо́га на́шего.

Прокимен, глас 7: Честна́ пред Го́сподем / смерть преподо́бних Єго́.

Стих: Что возда́м Го́сподеві о всіх, я́же воздаде́ мі?

Аллилуя, глас 2: Свяще́нници Твої́ облеку́ться в пра́вду, і преподо́бнії Твої́ возра́дуються.

Причастний: В па́м'ять ві́чную бу́деть пра́ведник, от слу́ха зла не убої́ться.

Величання преподобному одному: Ублажа́єм тя, преподо́бне о́тче [ім'я], і чтем святу́ю па́м'ять твою́, наста́вниче мона́хов і собесі́дниче А́нгелов.

Величання двом чи багатьом: Ублажа́єм вас, преподо́бнії отці́, і чтим святу́ю па́м'ять ва́шу, наста́вници мона́хов і собесі́дниці А́нгелов.

Величання Христа ради юродивому: Ублажа́єм тя, святи́й пра́ведний [ім'я], і чтем святу́ю па́м'ять твою́, ти бо мо́лиши за нас Христа́ Бо́га на́шего.

Прокимен, глас 7: Честна́ пред Го́сподем / смерть преподо́бних Єго́.

Стих: Что возда́м Го́сподеві о всіх, я́же воздаде́ мі?

Аллилуя, глас 6: Блаже́н муж, боя́йся Го́спода, в за́повідех Єго́ восхо́щеть зіло́.

Стих: Си́льно на землі́ бу́деть сі́м'я єго́.

Причастний: В па́м'ять ві́чную бу́деть пра́ведник, от слу́ха зла не убої́ться.

Величання: Велича́єм тя, страстоте́рпче святи́й [ім'я], і чтем честна́я страда́нія твоя́, я́же за Христа́ претерпі́л єси́.

Прокимен, глас 7: Возвесели́ться пра́ведник о Го́споді, / і упова́єть на Него́.

Стих: Усли́ши, Бо́же, глас мо́й, внегда́ моли́ти мі ся к Тебі́.

Аллилуя, глас 4: Пра́ведник я́ко фі́нікс процвіте́ть, я́ко кедр, і́же в Лива́ні, умно́житься.

Стих: Насажде́ні в дому́ Госпо́дні, во дво́ріх Бо́га на́шего процвіту́ть.

Причастний: В па́м'ять ві́чную бу́деть пра́ведник, от слу́ха зла не убої́ться.

Величання: Велича́єм вас, страстоте́рпці святі́ї, і чтем честна́я страда́нія ва́ша, я́же за Христа́ претерпі́ли єсте́.

Прокимен, глас 4: Святи́м, і́же суть на землі́ Єго́, / удиви́ Госпо́дь вся хоті́нія Своя́ в них.

Стих: Предзрі́х Го́спода предо мно́ю ви́ну, я́ко одесну́ю мене́ єсть, да не подви́жуся.

Аллилуя, глас 4: Воззва́ша пра́веднії, і Госпо́дь усли́ша їх, і от всіх скорбе́й їх ізба́ви їх.

Стих: Мно́гі ско́рбі пра́ведним, і от всіх їх ізба́вить я Госпо́дь.

Причастний: Ра́дуйтеся, пра́веднії, о Го́споді, пра́вим подоба́єть похвала́.

Величання: Велича́єм тя, священному́чениче [ім'я], і чтем святу́ю па́м'ять твою́, ти бо мо́лиши за нас Христа́ Бо́га на́шего.

Прокимен, глас 8: Восхва́ляться преподо́бнії во сла́ві, / і возра́дуються на ло́жах свої́х.

Стих: Воспо́йте Го́сподеві піснь но́ву, хвале́ніє Єго́ в це́ркві преподо́бних.

Аллилуя, глас 2: Свяще́нници Твої́ облеку́ться в пра́вду, і преподо́бнії Твої́ возра́дуються.

Причастний: В па́м'ять ві́чную бу́деть пра́ведник, от слу́ха зла не убої́ться.

Величання: Велича́єм вас, священному́ченици Христо́ви, і чтем святу́ю па́м'ять ва́шу, ви бо мо́лите за нас Христа́ Бо́га на́шего.

Прокимен, глас 7: Честна́ пред Го́сподем / смерть преподо́бних Єго́.

Стих: Что возда́м Го́сподеві о всіх, я́же воздаде́ мі?

Аллилуя, глас 2: Свяще́нници Твої́ облеку́ться в пра́вду, і преподо́бнії Твої́ возра́дуються.

Причастний: Ра́дуйтеся, пра́веднії, о Го́споді, пра́вим подоба́єть похвала́.

Величання преподобномученику одному: Ублажа́єм тя, преподобному́чениче [ім'я], і чтем святу́ю па́м'ять твою́, наста́вниче мона́хов і собесі́дниче А́нгелов.

Величання двом чи багатьом: Ублажа́єм вас, преподо́бнії му́ченици, і чтем святу́ю па́м'ять ва́шу, наста́вници мона́хов і собесі́дници А́нгелов.

Прокимен, глас 8: Восхва́ляться преподо́бнії во сла́ві, / і возра́дуються на ло́жах свої́х.

Стих: Воспо́йте Го́сподеві піснь но́ву, я́ко ди́вна сотвори́ Госпо́дь.

Аллилуя, глас 6: Блаже́н муж, боя́йся Го́спода, в за́повідех Єго́ восхо́щеть зіло́.

Стих: Си́льно на землі́ бу́деть сі́м'я єго́.

Причастний: Ра́дуйтеся, пра́веднії, о Го́споді, пра́вим подоба́єть похвала́.

Величання мучениці одній: Велича́єм тя, страстоте́рпице Христо́ва [ім'я], і чтем честно́є страда́ніє твоє́, я́же за Христа́ претерпі́ла єси́.

Величання двом чи багатьом: Велича́єм вас, страстоте́рпиці святи́я, і чтем честна́я страда́нія ва́ша, я́же за Христа́ претерпі́ли єсте́.

Величання преподобномучениці: Велича́єм тя, страстоте́рпице свята́я [ім'я], і чтем святу́ю па́м'ять твою́, ти бо мо́лиши за нас Христа́ Бо́га на́шего.

Прокимен, глас 4: Ди́вен Бог во святи́х Свої́х, / Бог Ізра́їлев.

Стих: В це́рквах благослові́те Бо́га, Го́спода от істо́чник Ізра́їлевих.

Аллилуя, глас 1: Терп'я́ потерпі́х Го́спода, і внят мі, і усли́ша моли́тву мою́.

Причастний: Ра́дуйтеся, пра́веднії, о Го́споді, пра́вим подоба́єть похвала́.

Величання преподобній жоні одній: Ублажа́єм тя, преподо́бная ма́ти [ім'я], і чтем святу́ю па́м'ять твою́, ти бо мо́лиши за нас Христа́ Бо́га на́шего.

Величання двом чи багатьом: Ублажа́єм вас, преподо́бния ма́тері, і чтем святу́ю па́м'ять ва́шу, ви бо мо́лите за нас Христа́ Бо́га на́шего.

Прокимен, глас 4: Ди́вен Бог во святи́х Свої́х, / Бог Ізра́їлев.

Стих: В це́рквах благослові́те Бо́га, Го́спода от істо́чник Ізра́їлевих.

Аллилуя, глас 1: Терп'я́ потерпі́х Го́спода, і внят мі, і усли́ша моли́тву мою́.

Причастний: В па́м'ять ві́чную бу́деть пра́ведник, от слу́ха зла не убої́ться.

Величання священносповіднику: Велича́єм тя, святи́телю о́тче [ім'я], і чтем святу́ю па́м'ять твою́, ти бо мо́лиши за нас Христа́ Бо́га на́шего.

Величання преподобносповіднику: Ублажа́єм тя, преподо́бне о́тче [ім'я], і чтем святу́ю па́м'ять твою́, наста́вниче мона́хов і собесі́дниче А́нгелов.

Прокимен, глас 8: Восхва́ляться преподо́бнії во сла́ві / і возра́дуються на ло́жах свої́х.

Стих: Воспо́йте Го́сподеві піснь но́ву, хвале́ніє Єго́ в це́ркві преподо́бних.

Аллилуя, глас 6: Блаже́н муж боя́йся Го́спода, в за́повідех Єго́ восхо́щеть зіло́.

Стих: Си́льно на землі́ бу́деть сі́м'я єго́.

Причастний: Ра́дуйтеся, пра́веднії, о Го́споді, пра́вим подоба́єть похвала́.

Величання: Велича́єм вас, чудотво́рці сла́внії [ім'я], і чтем честна́я страда́нія ва́ша, я́же за Христа́ претерпі́ли єсте́.

Прокимен, глас 4: Святи́м, і́же суть на землі́ Єго́, / удиви́ Госпо́дь вся хоті́нія Своя́ в них.

Стих: Предзрі́х Го́спода предо мно́ю ви́ну, я́ко одесну́ю мене́ єсть, да не подви́жуся.

Аллилуя, глас 2: Се, что добро́, іли́ что красно́, но є́же жи́ти бра́тії вку́пі?

Причастний: Ра́дуйтеся, пра́веднії, о Го́споді, пра́вим подоба́єть похвала́.

Прокимен, глас 6: Ду́ші їх / во благи́х водворя́ться.

Стих: К Тебі́, Го́споди, воздвиго́х ду́шу мою́, Бо́же мо́й, на Тя упова́х, да не постижу́ся во вік.

Аллилуя, глас 8: Блаже́нні, я́же ізбра́л і прия́л єси́, Го́споди, і па́м'ять їх в род і род.

Причастний: Блаже́нні, я́же ізбра́л і прия́л єси́, Го́споди, і па́м'ять їх в род і род.