Преподобномученик Макарій, архімандрит Овруцький, Переяславський
Тропар, глас 8
Ко всечестні́й ра́ці многоціле́бних моще́й Твої́х, преподобному́ниче Мака́ріє, ми, грі́шнії, со умиле́нієм притека́юще, дар ісціле́нія приє́млем. Ти бо при́сно істоча́єши боля́щим здра́віє, печа́льним утіше́ніє і всіх чту́щих тя вся́коє ісполня́єши тре́бованіє, моля́ся Христу́ Бо́гу, да спасе́ть ду́ші на́ша.
Інший тропар, глас 4
Боже́cтвенним жела́нієм весь сам себе́ от ю́наго во́зраста Го́сподеві возложи́в, яви́лся єси́ світи́льник сві́тлий гра́ду твоєму́, поуча́я всіх і́стинній ві́рі і житію́ Богоуго́дному, священному́чениче Мака́ріє, О́вручськая похвало́. сего́ ра́ди, я́ко а́гнець непоро́чний, от распрелюби́вих враго́в гони́мий, возше́л єси́ во оби́тель Ка́нівськую, іді́же, я́ко па́стир до́брий, ду́шу твою́ положи́л єси́ за о́вці твоя́. І ни́ні ко всечестні́й ра́ці многоціле́бних моще́й твої́х ми, грі́шнії, со умиле́нієм притека́юще, ісціле́нія приє́млем, многострада́льне. Ти бо при́сно істоча́єши боля́щим здра́віє, печа́льним утіше́ніє і всім чту́щим тя вся́коє ісполня́єши тре́бованіє, моля́ся Христу́ Бо́гу, да спасе́ть ду́ші на́ша.
Кондак, глас 2
По́стничеськоє і равноа́нгельноє житіє́ твоє́ страда́льчеськими уясни́л єси́ по́двиги і а́нгелом совсе́льник яви́лся єси́, Богоблаже́нне Мака́ріє, с ни́ми Христу́ Бо́гу моля́ся не преста́й о всіх нас.
