Наста́ днесь всечестна́я па́м'ять страстоте́рпця, благові́рнаго кня́зя І́горя, созива́ющая лю́ди в пречи́стий храм Спа́сов, іді́же, ра́достно соше́дшеся, благочести́вих мно́жество моли́твенно пра́зднують святу́ю па́м'ять твою́ і с ві́рою взива́ють ті: моли́ся, свя́те, страні́ на́шей, гра́ду Черні́гову і всім правосла́вним христия́ном в ми́рі і благоде́нствії спасти́ся.

Просвітившись божественним хрещенням / і світлом Святого Духа осяяний, / ти в серце прийняв Христове Євангеліє, / слово Сина Божого ділами сповняючи, благовірний княже Ігорю. / Моли Всеблагого Спасителя нашого / мир дарувати і милість, і душ спасіння / нам, що чесну твою пам’ять шануємо.

Ізміни́л єси́ земна́го княже́нія сла́ву во і́ночества о́браз смире́нний і, страда́льчеськи земно́є житіє́ сконча́в, ни́ні на Небесі́х ра́дуєшися, усе́рдні моля́ся о чту́щих тя, І́горе, страда́льцев похвало́.

Кня́жеськую діади́му обагри́л єси́ кро́вію твоє́ю, богому́дре страстоте́рпче І́горе, за скиптр Крест в руку́ приї́м, яви́лся єси́ побідоно́сець, і же́ртву непоро́чну Влади́ці прине́сл єси́ себе́. Я́ко бо а́гнець незло́бив, от раб убіє́н бил єси́, і ни́ні, ра́дуяся, предстої́ши Святі́й Тро́йці, моли́ся спасти́ся душа́м на́шим.

Княжий вінець обагрянив ти кров’ю твоєю, / страстотерпче богомудрий Ігоре. / Хреста як скипетр у руки взяши, переможцем явився / і в жертву непорочну приніс себе Владиці, / бо був убитий рабами, як незлобивий агнець; / і нині, з радістю стоячи перед Святою Тройцею, / молися, щоб спаслися душі наші.

О святи́й уго́дниче Бо́жий, страстоте́рпче благові́рний, кня́же І́горе! Ти із мла́да Бо́га возлюби́л єси́, мудрова́нія плотська́я, че́сть і сла́ву кня́жеськую ні во что же вмени́л єси́ і мона́шеськаго о́браза, єще́ ю́ний лі́ти, дости́гл єси́, к Бо́гу єди́ному все́ю душе́ю твоє́ю прилепи́лся єси́, і благо́є і́го Христо́во на ся взем, путтю́ спаси́тельним неукло́нно ше́ствовал єси́ да́же до сме́рти му́ченичеськия. Сего́ ра́ди венча́ тя Госпо́дь, блаже́нне І́горе, вінце́м сла́ви і прия́т в Своя́ Небе́сния селе́нія, іді́же ти ни́ні, неізрече́нния сла́ви і ра́дости наслажда́ющеся в невече́рнім дні Ца́рствія Христо́ва, с ли́ки святи́х страстоте́рпцев і всіх святи́х Бо́га о нас умоля́єши. Мо́лимся тебі́, свя́тче Бо́жий, припа́дая к честно́му о́бразу твоєму́: моли́ся о нас, грі́шних і непотре́бних, іспроси́ моли́твами твої́ми ми́ра держа́ві на́шей, гра́ду сему́ [і свято́му хра́му сему́] благода́ті і ми́лости. Це́рков святу́ю огради́ моли́твами твої́ми от єресе́й і раско́лов, па́стирем єя́ іспроси́ ре́вность і благоче́стіє, всім же нам любо́в нелицемі́рную і терпі́ніє да́руй, гріхо́в на́ших проще́ніє, болі́зней і вся́ких неду́гов ісціле́ніє. Покри́й і сохрани́ всіх нас от вся́ких бід, скорбе́й і напа́стей, да, благодаря́ще, просла́вим Святу́ю Живонача́льную Тро́йцю, Отця́, і Си́на, і Свята́го Ду́ха, во ві́ки віко́в. Амі́нь.